Madde madde referandûm: Qanûno bingeyî yê neweyîn de zîhnîyetî tekî esto (6)

MANÎSA – Cinî derheqê vurnayîşê qanûno bingeyî maddeya 6ine ser qisey kerdî, “Pêşnîyaznameyê persî bigîrê xo dest zî çîyêk nêvurna. Goreyê qanûno bingeyî yê newe zîhnîyetê tekî aver şino.”

Maddeya 6ine de pêşnîyaznameyê persî yenê vurnayîş. Goreyê ey ra; “Cigêrayîşê meclîsa TBMMî, pêvînayîşê pêroyî, tehqîqatê meclîse û bi rayîrê persê nuştişî zanayîş yeno girewtiş û yeno kontrolkerdiş. Cigêrayîşê meclîse, semedê babetê ke kifş ê cigêrayîş yenêkerdiş. Pêvînayîşê pêroyî û faîalîyetê dewlete û komela ser babetê ke eleqedarê Heyetê Pêroyî Meclîse Gird ya Tirkîya de mulaqat benê. Tehqîqatê meclîse, derheqê hetkarê serekkomarî û wezîran goreyê maddaya 106ine ê pancine, şeşine û hewtine perskerdişê tehqîqatî yo. Persî nuştişî; bi nuştiş en tay 15 roje de gere bêro cewabkerdiş û hetkarê Serekkomarî û wezîran ra bi nuştişî persî yenêkerdiş. Cigêrayîşê meclîse de, pêvînayîşê pêroyî û pêşnîyaznameyê persî ê nuştişî rêznameyê zerrî yê meclîse yeno amadekerdış.” Cinîyan referandûmî de vurnayîşê qanûno bingeyî maddaya şeşine ser şirove kerdî.

‘Yew şewe de qerarê ke biwazo do bigîro’

Hasret Çetîne da zanayîş ke serekkomar pêşnîyaznmeyê persê bikero tekelê xo zî do çîyêk nêvurno. Hasrete vana, Tirkîya 15 serrî yo ke tena yew kes îdare keno û bi vurnayîşê qanûno bingeyî newî de zî wazenê ke bikerê kontrolê yew kesî. Zerrî keyeyê ke de gere heqê vatişê hemine bibo, la bi sîstemê serekîye wazenê heqê vatişê şarî orte ra wedarê. Hasrete va ke, Qerarê yew kesî ‘eya’ ya zî ‘nê’ bo mecburî qerarê ê bînan zî eynî bo. Serekkomar bi ‘sîstemê serekîye’ yew şewe de eşkeno welatî ser qerar bido.

‘Zîhnîyetî tekî ra fek vera dê’

Hasrete do referandûmî de vajo ‘nê’ û wina va: “Zîhnîyetê tekî ti ca de nêbeno. 15 serre de cînayetê cinîyan bê zêde, domanê ma bêkar ê, heqê înan komelî çin o. Semedê aye ma zîhnîyetê tekî ra vanê ‘nê.’ Nê çî tena ewro nîyo do heme cuya ma bandure bikero. Kesê ke raya ‘ya’ berzê ez înan ra vana wa qanûno bingeyî ser cigêrayîş bikerê. Ne şima rê, ne zî ma rê feydeyê ci çin o. Ez tena Serekkomarî dir qiyas nêkena. Dima ci kesê ke bêrê ma çara zanê do se bike rê? Kesê ke biwazo do bi eşk yew şewe de derbe virazno. Zîhnîyetê tekî ra fek vera bidê.”

‘AKP viraştişê rayîran pesnê xo dano’

Sûna Tûnçe zî va, 15 serre îqtîdarê AKP de pêşnîyaznameyê persî bi cewab mendê û wedartişê pêşnîyaznmeyî nîno qebulkerdiş û wina va, “Sewîyeya şarî ê cuyayîşî çîyo? Merdim gere tîya ra biewno. Şar xo baş û kêfweş hîs keno gelo? Merdim nê çîyan bivîno. Rayîr esto la feydeyê ci mê rê çîyo? Merdim gere no persî bikerê. Ez nêfikrêyena AKP feydeyê şarî rê xizmet keno.”

‘Ma heta peynî têduştîye şarî pawenê’

Tüm partilere eşit davranan bir cumhurbaşkanı istediğini söyleyen Zubeyde Tarlabolen zî vana, îhtîyacîye ma serekkomarê ke hemine rê têduşt nêzd beno esto û Zubeyde wina va, “Wa Tirkîya bi fikrîyê. No welat ê ma hemine yo û gere îqtîdarê sîyasî rê terk nêbo. Ma no welatî bi gonî û nenûgê xo qezenç kerd. Ma do hewesê yew kesî rê terk nêkerê. Ma heta peynî têduştîye şarî pawenê. Ez do referandûmî de vajî nê. Semedo ke biratî û wayîtî dewam bikero ez vana nê. Ez îqtîdarî de nê çî nêvînena. Ez wazena welatê mi de heme cayan de eynî sermayegozerî bêrokerdiş.”

 

Madde madde referandûm: Hîna maddeya verêne ra merdim gere vajo nê (1)

Madde madde referandûm: Rejîmê yew mêrdekî de manaya wekîltî zî çin yo (2)

Madde madde referandûm: Semedê wekîltî 18 serre emrê ke zaf rew o (3)

Madde madde refrandûm: Wazenê weçînayîşî bêbandur bikerê (4)

Madde madde referandûm: Ma qebul nêkenê heme bingeyan yew destî de kom bikerê (5)